Tommaso Dini, një tregtar 50-vjeçar nga Firence, u vra pasi u godit me thikë në gjoks dhe këmbë. Burri vdiq në spital nga komplikimet që ndodhën pasi iu nënshtrua një operacioni urgjent. Ai ishte goditur me thikë pas një mosmarrëveshje në rrugë, në Piazza Piave, rreth orës 2 të mëngjesit të së shtunës mbrëma. Për krimin është arrestuar një 48-vjeçar shqiptar, një murator, i cili është ortak i një kompanie ndërtimi së bashku me vëllain e tij.
Viktima është dërguar në spital pa ndjenja dhe me lëndime të rënda në urgjencë. Të dielën në mëngjes kirurgët kryen operacion, ndërsa pas komplikimeve ai humbi jetën. Dini jetonte pranë vendit ku u sulmua ku kishte dhe biznesin e tij, një agjenci e vogël imobiliare. Tommaso Dini la pas gruan dhe dy vajzat.
Mësohet se në Piazza Piave, që ndodhet pranë bashkisë së vjetër të Scandicci, ka pasur një sherr mes Dinit dhe 48-vjeçarit shqiptar. Viktima nuk ishte i armatosur. Nga ana tjetër, autori nxori një thikë dhe e goditi me të paktën tre plagë me thikë, më pas u largua me vrap në rrugët midis ndërtesave Scandicci. Shqiptari u kap nga karabinierët ndërsa dyshohet se vrasja ka ndodhur për shkak të mosmarrëveshjeve mes të dyve që ishin pjekur më parë në vendin e punës.
