Gjykata e Tiranës ka pranuar kërkesën e Grupit të Rithemelimit për ndryshimet statutore të 11 dhjetorit. Ndryshimet në statut përfshijnë zhbërjen e strukturat drejtuese që ishin, shkarkim të nënkryetarëve, logo dhe vulë të re të partisë. Ndër ndryshimet më të rëndësishme, është neni që detyron kreun e Partisë që në rast se humb zgjedhjet e përgjithshme të largohet dhe në rast se humb zgjedhjet lokale të kalojë në votëbesim.
Të plota 10 vendimet e Kuvendit Kombëtar:
- Miratimi i Statutit të ri të Partisë
- Shkarkim i Nënkryetarëve, të Sekretarit të Përgjithshëm dhe funksionarëve të tjerë të PD
- Organet qendrore të partisë, përveç Kuvendit Kombëtar, ndalohet të ushtrojnë kompetencat deri më 22 mars 2022
- Pavlefshmëri konstituimit të Kryesisë së PD, rrjedhimisht konsiderim nul të Kryesisë
- Pavlefshmëri të vendimit të Kryesisë së partisë për të thirrur Kuvendin më 18 dhjetor
- Anulimin e thirrjes publike dhe të njoftimit të degëve të PDSH për mbajtjen e Kuvendit të 18 dhjetorit
- Ngritja e Komisionit të Rithemelimit të Partisë Demokratike të Shqipërisë me përbërje me 29 anëtarë
- Komisioni i Rithemelimit të PD, përgjegjës për organizimin dhe fillimin e proceseve referendare e zgjedhore në PD
- Thirrjen e mbledhjes së Kuvendit Kombëtar të Partisë Demokratike më 22 mars 2022
- Votimin për shkarkimin e kryetarit të Partisë Demokratike, Lulzim Basha, thirrjen e referendumit ratifikues të shkarkimit të Bashës më 18 dhjetor 2021
Gjyqtari që shqyrtoi çështjen është Agron Zhukri, i cili fillimisht nuk pranoi të merrte çështjen përsipër por dorëheqja e tij u refuzua.
