Partia Demokratike ka marrë vendimin e papritur për heqjen e dyerve të blinduara në selinë blu. Teknikët kanë filluar heqjen e dyerve të hekurit, të cilat u vendosën më datë 6 janar, vetëm dy ditë para protestës së 8 janarit të njoftuar nga Sali Berisha. Situata brenda PD-së mbetet ende e paqartë, teksa pas dorëheqjes së Bashës si kryetar i komanduar është vendosur deputeti Enkeled Alibeaj.
Nga ana tjetër ish-kryeministri Sali Berisha shprehet se në bazën e partisë po zhvillohet një proces i mrekullueshëm duke thënë se pas 6 marsit demokratët janë më të qartë se kurrë për zgjedhjen e tyre dhe ribashkimin.
