Netflix ka publikuar një trailer të ri për dokumentarin 'Return to Space', i cili paraqet rigjallërimin e eksplorimit të hapësirës nga SpaceX përmes provave që shkojnë së bashku me nisjen në hapësirë.
“Duke ofruar akses të rrallë brenda misionit të parë me ekuipazh të nisur nga toka amerikane që nga pensionimi i anijes hapësinore në 2011, ky është një portret intim i inxhinierëve dhe astronautëve të zgjedhur për momentin historik”, thuhet në një deklaratë zyrtare.
Dokumentari ndjek Elon Musk teksa ai punon për të sjellë në jetë vizionin e Amerikës për eksplorimin e hapësirës. Dokumentari do të mbulojë ngritjen e projektit SpaceX të Musk dhe sfidat me të cilat përballet ekipi për t'i bërë realitet ambiciet qiellore të Musk.'Return to Space' tregon astronautët Bob Behnken dhe Doug Hurley teksa hipin në anijen kozmike SpaceX Crew Dragon në maj 2020, e cila shënoi fluturimin e parë të astronautëve amerikanë me raketa të prodhuara nga toka amerikane pas misionit të fundit Space Shuttle në korrik 2011.Filmi dokumentar sjell shikuesit në udhëtimin e tyre emocionues në Stacionin Ndërkombëtar të Hapësirës dhe në kontrollin e misionit me Musk dhe ekipin e SpaceX ndërsa ata punojnë nga Toka për të rikthyer astronautët në tokë.
Filmi është drejtuar nga Elizabeth Chai Vasarhelyi dhe Jimmy Chin, të cilët fituan një cmim Oscar për punën e tyre në dokumentarin Free Solo.“Return to Space” do të shfaqet premierë më 7 prill në Netflix./Lapsi.al
[embed]https://www.youtube.com/watch?v=sIME4sLR4-8[/embed]
