Gjykata e Tiranës ka pushuar çështjen ndaj Viktor Markut dhe Sebastian Malit për vrasjen e Hekuran Billës, në qershor të 2020, pranë një qendre tregtare në Tiranë. Dajë dhe nip janë çliruar të dy nga akuzat. Hetimet që janë kryer për më shumë se 1 vit e gjysmë nuk janë gjetur prova për të çuar pas hekurave Markun dhe Malin që dyshoheshin si organizatorë. Para afro një viti Marku u arrestua me akuzën e ekzekutimit të Billës, kurse nipi i tij Mali me dyshimet se e kishte larguar nga vendi i ngjarjes. Por më shumë se një vit pas ngjarjes së rëndë dhe arrestimit të tre të dyshuarve, bashkë me Adiola Lakrën, prokuroria nuk ka mundur të gjejë prova bindëse për gjykatën për të vijuar gjykimin dhe dhënien e dënimit ndaj tyre.
Hekuran Billa, i njohur ndryshe si Herland Bilali, ishte një emër i njohur për drejtësinë angleze. Ai ishte dënuar me burgim të përjetshëm për vrasjen e Prel Markut, ngjarje e ndodhur në 2006. Ai u shpall fajtor për tri akuza: “Vrasje” , “Vrasje mbetur ne tentative” dy herë si dhe “Plagosje me dashje”. Më pas Billa është deportuar nga Anglia në Shqipëri me qëllim vuajtjen e dënimit me burg përjetë në Shqipëri, por ai shëtiste i lirë në vendin tonë,
