Pak minuta pas mbylljes së procesit të votimit Komisioni Qendror i Zgjedhjeve ka shpallur numrin e qytetarëve që kanë votuar deri në mbyllje të procesit. Sipas KQZ, rezulton se në total kanë votuar vetëm 30.33% e 654,538 qytetarëve shqiptarë që kishin të drejtë vote.
Në vend të parë renditet Dibra me 43.35% e qytetarëve. Në vend të dytë është bashkia e Vorës 38.47%, e treta Lushnja me 35.96% dhe e katërta Rrogozhina me 30.92%. Dy vendet e fundit i zënë Shkodra e Durrësi me përkatësisht 29.11% dhe 26.4% të votuesve.
654.538 shtetas shqiptarë kishin të drejtën për të zgjedhur mes kandidatëve të PS-së, PD-së dhe koalicionit “Shtëpia e Lirisë”, por në qendrat e votimit pati një numër të ulët pjesëmarrësish.
