Një ngjarje e rëndë ka ndodhur sot në fshatin Progër të Devollit, ku dy gra janë gjetur të pajeta në banesë. Vjehërr e nuse, Bukurie dhe Fatmira Bami, janë konstatuar nga kryeplaku i fshatit të pajeta dhe me shenja dhune në trup. Kryeplaku i fshatit ka treguar për mediet sesi i gjeti trupat e nuses dhe vjehrrës në banesën e tyre këtë të shtunë.
[video width="848" height="480" mp4="https://cdnimpuls.com/lapsi.al/wp-content/uploads/2022/03/WhatsApp-Video-2022-03-05-at-5.11.26-PM-2.mp4"][/video]
Kryeplaku tha se vrasja ka ndodhur gjatë natës dhe se nga ajo që ai ka parë duket se e moshuara dhe nusja e saj janë përleshur me autorin e vrasjes, i cili u arrestua pak më parë nga policia. I pari i fshatit tha se vjehrra 80 vjeç u gjet në korridor ndërsa nusja në dhomë e përgjakur.
Ndërkohë policia sqaron se pas identifikimit është arrestuar në flagrancë autori i ngjarjes 36-vjeçari Ali Zili.
