Kompania 'Spotify' ka ndërmarrë disa masa në përgjigje të sulmit ushtarak të Rusisë ndaj Ukrainës, duke përfshirë mbylljen e zyrave të saj në Rusi "për një kohë të pacaktuar".
Megjithatë, kompania kas treguar se nuk do çaktivizojë aksesin në shërbimin e saj brenda Rusisë. "Ne mendojmë se është jashtëzakonisht e rëndësishme të përpiqemi ta mbajmë shërbimin tonë funksional në Rusi për të lejuar rrjedhën globale të informacionit," tha një përfaqësues i Spotify në një deklaratë të dhënë për Variety.Ashtu si platformat e tjera të internetit, Spotify ka kufizuar zbulueshmërinë e përmbajtjes së lidhur me shtetin rus në shërbimin audio streaming. Përveç kësaj, kompania ka hequr të gjithë përmbajtjen nga mediat e mbështetura nga Kremlini RT dhe Sputnik nga platforma e Spotify.
“Jemi thellësisht të tronditur dhe të pikëlluar nga sulmi i paprovokuar në Ukrainë”, tha përfaqësuesi i Spotify. “Prioriteti ynë i parë gjatë javës së kaluar ka qenë siguria e punonjësve tanë dhe sigurimi që Spotify të vazhdojë të shërbejë si një burim i rëndësishëm i lajmeve globale dhe rajonale në një kohë kur aksesi në informacion është më i rëndësishëm se kurrë.”Spotify" lancoi shërbimin në Rusi dhe Ukrainë në korrik 2020, së bashku me 10 vende të tjera evropiane./Lapsi.al
