Pas zbulimit të shtëpisë së barit një ditë më parë në lagjen"Kushtrimi"të Vlorës dhe arrestimit në flagrancë të Arnest Rrapajt, policia ka nisur kërkimet në gjithë zonën për zbulimin e banesave të tjera që kultivojnë lëndë narkotike. Policia e Vlorës kanë zbarkuar terren ku po krehin zonën për zbulimin e banesave të tjera. Dyshohet se duke qënë zonë periferike dhe pa ndriçim gjatë natës mund të ketë edhe banesa të tjera.
Ndërkohë mësohet se numri i personave të arrestuar nga zbulimi i shtëpisë së barit ka shkuar në katër. Blutë kanë vënë në pranga dy elektriçistë dhe një faturist në OSHEE Vlorë, përveçse pronarit të shtëpisë Rrapaj. Arrestimi i këtyre shtetasve u bë pasi në zonën që ata kishin në monitorim, nuk kanë konstatuar lidhjet e paligjshme të energjisë elektrike në banesën në përdorim nga shtetasi Arnes Rrapaj, e cila ishte përshtatur si ambient për kultivimin e bimëve narkotike cannabis sativa në kushte laboratorike.
Materialet iu referuan Prokurorisë së Rrethit Gjyqësor Vlorë, për veprime të mëtejshme.
