Rruga e Arbrit është një ndër akset më problematikë sa herë që bie borë.
Policia Rrugore ka bërë me dije se për shkak të reshjeve që kanë nisur orët e fundit në vendin tonë kanë sjellë dhe bllokimin e Rrugës së Arbrit.
Sipas autoriteteve, qytetarët duhet që të ndjekin aksin e vjeter Klos-Burrel-Ulëz, deri në pastrimin e bypass nga firma kontraktore.
“Për shkak të reshjeve të dendura të dëborës, aksi i rrugës së Arbrit, bypass-Qafë Murrizë është bërë i pakalueshëm për mjetet.
Për këtë arsye Policia Rrugore apelon drejtuesit e mjeteve që të ndjekin aksin e vjeter Klos-Burrel-Ulëz, deri në pastrimin e bypass nga firma kontraktore.
Policia Rrugore ka shtuar prezencën e saj në të gjitha akset rrugore, dhe apelon për kujdes të shtuar në drejtimin e mjetit.
Në rast nevoje kontaktoni në nr 112 ose në Komisariatin Dixhital’, thuhet në njoftimin e policisë.
