Një aksident rrugor është regjistruar këtë pasdite në aksin rrugor Shkodër-Koplik. Mësohet se 29-vjeçari me inicialet D.P., teksa drejtonte mjetin Volkswagen, ka humbur kontrollin duke dalë nga rruga. Makina është përplasur me murin e jashtëm të një biznesi. Si pasojë e përplasjes së mjetit të tij janë dëmtuar katër pasagjerë në mjet, të gjithë familjarë të tij. Të plagosurit janë dërguar në spitalin e Shkodrës për ndihmë mjekësore.
Grupi hetimor në vendngjarje vazhdon hetimet për zbardhjen e plotë të shkaqeve të aksidentit.
