Këtë të hënë ka rinisur gjyqi ndaj presidentit Ilir Meta në Gjykatën Kushtetuese. Në seancën e sotme presidenca do të përgjigjet për 72 pyetjet. Presidenti ka zgjedhur të mos marrë pjesë fizikisht në gjyqin që po zhvillohet ndaj tij, duke ia lënë në dorë mbrojtjen juristëve. Sot me nisjen e seancës përfaqësuesi i presidentit Bledar Dervishaj tha se ka sjellë për trupin gjykues prova dhe fakte të reja.
Dervishaj i ka paraqitur një kërkesë të re gjykatës. Dokumentet e kuvendit u janë shpërndarë anëtarëve të trupit gjykues dhe një kopje e tyre i është dërguar presidentit.
“Ka shkelje në procedurat e Kuvendit për shkarkimin”, është shprehur Dervishaj.
