Një 35-vjeçar, që dhunoi dhe më pas kërcënoi me armë bashkëshorten, u arrestua në Shkodër. Policia njofton se është vënë në pranga shtetasi Kristian Kasneci, duke u parandaluar përshkallëzimi i mëtejshëm i konfliktit. Blutë e qytetit verior bëjnë me dije se 32-vjeçarja me iniciale B.K. u ka telefonuar, duke denoncuar burrin, që po e kërcënonte me armën e gjahut.
Policia ka arrestuar në flagrancë Kasnecin, i cili më herët kishte ushtruar dhunë fizike ndaj bashkëshortes. Sakaq, si provë materiale është sekuestruar edhe arma e gjahut me fishekë në fole, si dhe një sasi fishekësh.
