Dy shtylla të tensionit të lartë, 110 kv janë gjetur të rrëzuara në hyrje të qytetit të Laçit dhe një pjesë e konsiderueshme e zonës ndodhet pa energji. Në vendin e ngjarjes ndodhet policia pasi ka dyshime se kemi të bëjmë me një rast të qëllimshëm pasi njërës shtyllë nuk i janë gjetur vida. Një person është shoqëruar në polici dhe po merret në pyetje.
Fillimisht është rrëzuar shtylla e parë e cila ndodhet brenda rrethimit të një shtëpie në hyrje të qytetit të Laçit dhe më pas është rrëzuar shtylla tjetër. Nga rrëzimi i këtyre dy shtyllave janë dëmtuar edhe linjat e tensionit të ulët dhe janë pa energji disa zona të Kurbinit.
