Një makinë me katër persona ka humbur kontrollin paraditen e sotme në vendin e quajtur “Kthesa e Murrashit” në aksin Elbasan-Librazhd dhe për pasojë ka përfunduar në lumin Shkumbin.
Dy prej personave që kanë qenë brenda në automjet kanë mundur të dalin ndërsa shërbimet e zjarrfikësve po punojnë për nxjerrjen e dy të tjerëve.
“Rreth orës 09:10, në aksin rrugor Elbasan-Librazhd, vendi “Kthesa e Murrashit” , ka dalë një mjet nga rruga dhe për pasojë ka rënë në Lumin Shkumbin.
Në vendngjarje ndodhen shërbimet e policisë Elbasan dhe shërbimet e zjarrfikseve dhe po punohet për nxjerrjen e drejtuesit të mjetit dhe të pasagjerëve. Grupi hetimor po punon për zbardhjen e rrethanave të aksidentit”, njofton policia.
[video width="640" height="352" mp4="https://cdnimpuls.com/lapsi.al/wp-content/uploads/2022/02/VID-20220201-WA0001.mp4"][/video]
