Policia e Lezhës ka finalizuar me sukses një tjetër operacion policor, në kuadër të të cilit u bë e mundur arrestimi i shtetasit Fatjon Marku, të shpallur në kërkim për prodhim dhe shitje narkotikësh, kryer në formën e grupit të strukturuar kriminal. Ai ishte dënuar në mungesë me 14 vite burg nga GJKK për ngritjen e një laboratori droge në Has në 2018.
Shtetasi Fatjon Marku, është kapur nga shërbimet e Policisë, duke qarkulluar si pasagjer në mjetin me drejtues shtetasin F. K. Ky i fundit nuk i është bindur urdhrit të policisë për të ndaluar, ndërsa pas disa minutash ndjekjeje u bë e mundur ndalimi i mjetit. Gjatë kontrollit të ushtruar ndaj tij, policia gjeti dhe dhe sekuestroi një thikë dhe 1 radio marrëse-dhënëse si ato të Policisë.
Në përfundim të veprimeve u procedua penalisht edhe drejtuesi i mjetit, shtetasi F. K., për veprën penale “Moskallëzim krimi”.
