Në 24 orët e fundit në Kosovë fatmirësisht nuk është raportuar asnjë i vdekur me Covid-19 në Kosovë, ndërsa janë raportuar 658 qytetarë të prekur me sëmundjen infektuese, nga 6008 testime të kryera. Instituti i Shëndetit Publik ka raportuar gjithashtu se anë shëruar 160 qytetarë, ndërsa numri i përgjithshëm i të shëruarve është 158 532. Në total, në Kosovë janë të konfirmuar 3837 raste aktive me koronavirus.
Instituti i Shëndetit Publik ka bërë thirrje që qytetarët ta vaksinohen sa më shpejt, për shkak se varianti Omicron i koronavirusit është dominues në vend. Në një postim në Facebook, IKSHPK ka shkruar se situata epidemiologjike mund të përkeqësohet edhe më shumë ditët në vazhdim, andaj apelon qytetarët që të respektojnë masat anti-Covid.
