Një 55-vjeçar ka humbur jetën në Vlorë kur apartamenti ku ai jetonte u përfshi nga flakët. Viktima është Gjergji Beqiri dhe vuante nga problem të shëndetit mendor. Shkak për zjarrin dyshohet të ketë qenë një shkëndijë elektrike e shkaktuar nga ngrohësja. Në ato momente ka marrë flakë batanija që 55-vjeçari ishte mbuluar.
Bazuar në pamjet e marra nga vendngjarja, ai jetonte në kushte shumë të këqija. Banesa e tij ishte e pasuvatuar dhe në gjendje mizerable.
[video width="848" height="480" mp4="https://cdnimpuls.com/lapsi.al/wp-content/uploads/2022/01/WhatsApp-Video-2022-01-13-at-9.26.30-AM.mp4"][/video]
Fqinji i viktimës, Arben Aliu u shpreh se ai ishte i sëmurë mendor dhe se kujdesej i vëllai për të.
“I sëmurë, i vetmuar, ka disa vite ka qenë me qira, ka qenë vëllai i tij që merrej, në 6 pa çerek më tha gruaja ka dalë tym nga shtëpia e Gjergjit. Tymi ishte në përmasa të paimagjinueshme dhe nuk futesha dot brenda, ai ishte i sëmurë nuk e dalloje dot, e ndihmonte vëllai i tij. Zjarri rrezikonte gjithë pallatin dhe gjëja e parë që bëra ishte ula linjën elektrike. Ai as nuk gatuante asgjë”, tha fqinji.
