Policia e Tiranës ka identifikuar dhe ndaluar një 54-vjeçar i cili akuzohet për shkatërrim të pronës në protestën e 8 janarit. Sipas autoriteteve, i ndaluari është Lefter Seleni, mbi të cilin rëndon edhe akuza “Prodhimi, mbajtja, blerja apo shitja pa leje e armëve të ftohta”. 54-vjeçari dyshohet se gjatë protestës ka thyer dyer e dritare të selisë së Partisë Demokratike, duke përdorur mjete të forta.
Ndalimi i tij u bë për veprat penale “Organizimi dhe pjesëmarrja në grumbullime e manifestime të paligjshme”, “Prishja e qetësisë publike”, “Pengimi i qarkullimit të mjeteve të transportit”, “Shkatërrimi i pronës” dhe “Prodhimi, mbajtja, blerja apo shitja pa leje e armëve të ftohta”.
