Detaje të reja në lidhje me personat e plagosur gjatë shpërthimit të një mjeti në lëvizje mengjesin e kësaj të premteje në Unazën e Re, pranë Selitës në Tiranë janë zbuluar. Kujtojmë se ngjarja u shënua rreth orës 02:50 të mëngjesit, ku mbetën të plagosur dy persona. Njeri prej tyre, drejtuesi i mjetit Mikel Harizaj është person i skeduar nga policia.
Në vitin 2009 ai është arrestuar nga policia e Vlorës për shkak të një konflikti me disa persona në një lokal. 42-vjecari, në atë kohë, akuzohej se pas sherrit në lokal tentoi të vriste 3 persona duke u atyre hedhur një granatë. Më pas Harizaj u fsheh te disa persona në Tiranë, ku dhe u arrestua nga policia.
Ndërsa për 26-vjecarin Serini Dumi, që ishte pasagjer në mjetin që shpërtheu nuk ka të dhënë si person i proceduar më parë nga policia.
