Një aksident i rëndë është regjistruar mëngjesin e kësaj të premte në aksin rrugor Cërrik–Belsh. Mësohet se dy automjete janë përplasur dhe si pasojë njeri prej tyre ka dalë nga rruga, ndërsa njeri prej të plagosurve ndodhet ende i bllokuar në automjet.
Ekipet e zjarrfikëses kanë mbërritur menjëherë në vendngjarje dhe po përpiqen të nxjerrin nga automjeti të lënduarin që ndodhet ende i bllokuar brenda në automjet. Ndërkaq, grupi hetimor ka nisur hetimet dhe po punon për zbardhjen e plotë të rrethanave të aksidentit.
