Grupi i deputetëve nga Komisioni i Përkohshëm i Rithemelimit të Partisë Demokratike sapo kanë mbërritur në selinë blu për të zhvilluar takimin e parë për vitin 2022. Ndërkohë kujtojmë që sot është afati i fundit që Komisioni i la kryetarit të selisë blu Lulzim Basha të lirojë zyrën. Kur deputetët kanë mbërritur i kanë gjetur të gjitha dyert e mbyllura dhe anëtarët e Komisionit të Rithemelimit e kanë pasur të pamundur që të futen në ambientet e brendshme të selisë blu.
Ata kanë provuar tre dyert e selisë së partisë për t’u futur në pjesën e brendshme, por ato kanë rezultuar të bllokuara. Kreu i PD-së, Lulzim Basha që prej mëngjesit ndodhet në zyrën e tij. Një protestë kombëtare është thirrur më 8 janar nga ish-kryeministri Sali Berisha dhe do të mbahet në oborrin e selisë së PD-së.
