Në konferencën e fundvitit me gazetarët, kryeministri Edi Rama u ndal dhe te skandali i publikimit të pagave. Kreu i qeverisë tha se personi që ka publikuar të dhënat do të përgjigjet para ligjit.
“Me pagat ka ndodhur së fundmi një ngjarje shumë e shëmtuar dhe shqetësuese. Pjesa kriminale e ngjarjes është një pjesë që i takon prokurorisë. Ajo po heton në mënyrë intensive. Uroj dhe kam arsye të besoj se do të kemi rezultate. Kush e ka bërë do të përgjigjet para ligjit.”, tha Rama.
Ndër të tjera, kreu i qeverisë foli edhe për një fenomen që doli nga ky skandal. Rama u shpreh se 20 Janari është afati i fundit për këto kompani që nuk deklarojnë të plota pagat e punonjësve që të bëjnë deklarimet e reja, në të kundërt ndaj tyre do të fillojnë hetimet për evazion fiskal.
