Kur mbetet vetëm një ditë nga Kuvendi Kombëtar i PD-së, kreu i Partisë Demokratike, Lulzim Basha, ka publikuar një video-mesazh një ditë para mbledhjes së Kuvendit Kombëtar të partisë. Në videon e postuar në rrjetet sociale, kryedemokrati Basha thekson se nesër partia më e madhe opozitare në vend “do të zgjedhë të ardhmen”.
Kuvendi Kombëtar i njoftuar nga Basha vjen vetëm një javë pas atij të Berishës, ku u votua për shkarkimin e kryetarit aktual si dhe gjithashtu u ndryshua statuti i PD-së. Nesër në të gjithë degët e PD në rrethe do të mbahet referendumi për shkarkimin e Bashës, vendim i dalë nga Kuvendi i Berishës. Megjithatë kryeopozitari ka deklaruar se nuk njeh asnjë vendim të dalë nga ky Kuvend.
