I ftuar në Tiranë nën mbrojtjen e Edi Ramës presidenti serb Aleksandar Vuçiç ka sfiduar hapur Sali Berishën duke deklaruar se në datat 20 dhe 21 dhjetor do të vijë në Shqipëri për takimin e radhës të nismës "Ballkani i Hapur".
Aleksandar Vuçiç bëri të ditur se ai do të jetë në Tiranë për të nënshkruhej një Memorandum Mirëkuptimi për lejet e punës që do të kenë vlerë për të treja vendet. Por kjo shpallje e shefit serb të shtetit bëhet disa ditë pasi nga kuvendi i demokratëve në 11 dhjetor Berisha e paralajmëroi të mos guxontë të shkelte këtu.
https://www.youtube.com/watch?v=D179iEia5dg
Ballkani i Hapur është Ballkani i hegjemonisë serbe, i zonës së influencës direke ruse. Është Ballkani i interesave antikombëtare, anti-europiane, projekti që kërkon që të zëvendësojë procesin e Berlinit me procesin e Putinit. Ne zotohemi që t’i japim fund këtij procesi. Paralajmërojmë Sllobodanin e ri , Gëbelsin e Milloshevicit mos mendo që të vish në Tiranë. Sheshet dhe rrugët do t’i kesh plot në Tiranë”, tha Berisha.
Ish-kryeministri Sali Berisha e ka kthyer në lajtmotiv të foltoreve të tij lidhjen okulte Rama-Vuçiç nga Kukësi akuzoi kryeministrin Edi Rama se është shndërruar në një vasal të verbër të Beogradit.
Në takimin e Kukësit ai tha: “Që nga Enver Hoxha deri më sot shqiptarët nuk kanë patur kurrë një kryeministër më antinjerëzor e antikombëtar si Rama. Ky nis mandatin e tretë pasi është shndërruar në vasal të verbër të Beogradit. Një vit më parë, refuzoi të votonte rezolutën që dënonte gjenocidin serb në Kosovë, pasi e urdhëronte padroni i tij Vuçiç. Garantoj qytetarët e Lumës dhe dua t’i çoj një mesazh Sllobodanit të ri që do të njihet i gjithë gjenocidi serb ndaj shqiptarëve nga 1970 deri në 1999, përfshirë gjenocidin e Lumës, më të egrin e Luftës Ballkanike që është dokumentuar. Përgatitu Sllovodan, jo vetëm për krimet në Kosovë edhe në Shqipëri do të ndëshkojnë Serbinë për krimet e shëmtuara. Ne do të ngremë zërin dhe do të dënojmë gjenocidin,e bëjmë këtë si kusht i të gjitha kushteve që Ballkani të ketë paqe”, tha Berisha.
Por këto paralajmërime nuk e kanë penguar aspak dyshen Rama Vuçiç të vazhdojnë me axhendën e tyre të Open Balkan stacioni i radhës i së cilës do të jetë këtë fund dhjetori në Tiranë.
©Lapsi.al
