Presidenti Meta ka kthyer për rishqyrtim në Kuvend ligjin për “Buxhetin 2022”. Në arsyetimin e tij, kreu i shtetit thekson se buxheti në tërësinë e tij është një plan antisocial dhe ka mangësi shqetësuese të transparencës në lidhje me politikat fiskale. Mata thotë se ky buxhet paraqet problematikë shumë shqetësuese në lidhje me nivelin e borxhit publik, përdorimin dhe efektit ekonomik të tij. Ai thekson se mungon mbështetja reale për sektorët e ekonomisë dhe në mënyrë të veçantë për bujqësinë.
Buxheti u miratua në muajin nëntor me 76 vota pro, 52 kundër dhe asnjë abstenim. Seanca u shoqërua me debate, akuza dhe kundër akuza mes palëve. Opozita e konsideron buxhetin e vitit 2022 se favorizon oligarkët dhe varfëron shqiptarët, kurse mazhoranca si buxhetin që garanton rritjen ekonomike dhe rritjen e pagave.
