Një ngjarje e rëndë është shënuar ditën e sotme në kryeqytet. Uniformat blu bëjnë me dije se një 19-vjeçar është arrestuar pasi ka abuzuar seksualisht me një 13-vjeçare. Ngjarja e rëndë dyshohet se është shënuar përpara një muaji. Së bashku me 19-vjeçarin është proceduar edhe nëna e 13-vjeçares pasi ka ushtruar dhunë fizike ndaj saj.
“Specialistët për Hetimin e Krimeve në Komisariatin e Policisë Nr. 6 bënë ndalimin e shtetasit E. D., 19 vjeç, pasi dyshohet se para një muaji, ka kryer marrëdhënie seksuale me një shtetase të mitur 13 vjeçe. Gjithashtu u procedua penalisht nëna e 13-vjeçares, shtetasja R. S., 42 vjeçe, pasi ka ushtruar dhunë fizike ndaj saj”, thuhet në njoftimin e policisë.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.
