Një 30-vjeçar maroken ka rënë në prangat e policisë së Gjirokastrës, pasi akuzohet për vjedhje. Bëhet fjalë për shtetasin me inicialet M. M., banues në Marok.
I riu u arrestua pasi në fshatin Vasjar, Memaliaj ka vjedhur automjetin tip “Mitsubishi” të shtetasit E. Ll.
Gjithashtu rezultoi se shtetasi maroken po drejtonte automjetin e vjedhur në gjendje të dehur. Materialet në ngarkim të shtetasit të mësipërm i kaluan Prokurorisë pranë Gjykatës së Shkallës së Parë Gjirokastër për veprime të mëtejshme.
