Autoritetet në Kosovë bëjnë me dije se ofrojnë 20 mijë euro shpërblim për këdo që jep informacion për identifikimin dhe kapjen e autorit të vrasjes së 3 personave në Deçan, në një sulm që tronditi mbarë opinionin publik. Dy nxënës shkolle dhe drejtuesi i autobusit humbën jetën mbrëmjen e së premtes si pasojë e një sulmi me kallashnikov pranë fshatit Gllogjan të Deçanit.
Ngjarja ka ende shumë gjëra të pazbardhura, ndërkohë që policia është duke hetuar në disa pista. Drejtori i përgjithshëm i policisë së Kosovës, Samedin Mehmeti, tha më herët se nuk ka asnjë të dhënë apo provë që incidenti të ketë pasur qëllime terroriste.
