Në 30-vjetorin e rivendosjes së marrëdhënieve diplomatike ndërmjet Shqipërisë dhe Vatikanit, kryeministri Rama po zhvillon një vizitë në selinë e shenjtë. Gjatë takimi me Sekretarin e Shtetit, Kardinalin Pietro Parolin, kryeministri vuri në dukje dy objektivat si ndërtimi i faltores së shenjtë të parë kushtuar Shën Terezës në Shqipëri dhe një angazhim i përbashkët për një marrëveshje të ardhshme me spitalin “Bambino Gesù” për të lehtësuar trajtimin falas të fëmijëve shqiptarë, të cilët vuajnë nga sëmundje të rënda.
2021 është viti që shënon 30-vjetorin e rivendosjes së marrëdhënieve diplomatike mes Shqipërisë dhe Selisë së Shenjtë. Ky vit shënon gjithashtu edhe 150 vjetorin e lindjes së françeskanit të madh Gjergj Fishta dhe 300-vjetorit të vdekjes së Papa Klementit me origjinë shqiptare.
