Dy persona kanë rënë në prangat e policisë për ndërtime pa leje në zonën e mbrojtur të Luginës së Valbonës. Bazuar në informacionet e marra se në zonën e mbrojtur të Luginës së Valbonës po ndërtoheshin objekte pa leje, menjëherë kanë ushtruar kontroll për verifikimin e informacionit dhe kanë konstatuar ndërtimin e 2 objekteve pa leje.
Si rezultat u bë arrestimi në flagrancë për veprën penale ” Ndërtimi i paligjshëm”, i shtetasve: Luan Sokoloj dhe Shpend Demiraj, banues në fshatin Dragobi. Materialet në ngarkim të tyre i kaluan Prokurorisë së Rrethit Gjyqësor Tropojë, për veprën penale “Ndërtim i paligjshëm”.
