Pas përfundimit të takimit mes ambasadores Amerikane, Yuri Kim dhe Drejtorit të Përgjithshëm të Policisë së Shtetit, Gledis Nano kanë dalë në një deklaratë për mediat. Ambasadorja e SHBA-së në Tiranë, Yuri Kim ka konfirmuar edhe një herë bashkëpunimi Shqipëri-Amerikë. Kim u shpreh se Policia e Shtetit nuk duhet të ndikohet nga faktorët e jashtëm dhe se do të ofrohet mbështetje për Shqipërinë. Ambasadorja amerikane theksoi rëndësinë që policia të ruajë e të rrisë besimin e publikut.
“Erdha për ta takuar përgëzuar për pozicionin e ri zotin Nano. Konfirmoj se bashkëpunimi i SHBA-së për çështjet ligjore është i rëndësishëm, do të vazhdojmë të ofrojmë mbështetje, duke përfshirë pajisje, trajnime etj. Diskutuam rëndësinë që policia të rrisë besimin e publikut me integritetin e tyre. Nano dhe unë jemi mbështetës të fortë të prezencës së policisë. E dimë që policia ndërmer rreziqe të mëdha, qoftë dhe duke rrezikuar jetën, për të ruajtur ligjin e shtetin. Diskutuam si mund të sigurohet ligjshmëria, pa u ndikuar nga faktorë të jashtëm”, tha Kim.
