Një makinë ka përplasur një studente pranë Universitetit Fan Noli, në Korçë. Studentja ka qenë duke kaluar rrugën për të hyrë në universitet, ndërsa një mjet për shkak të shpejtësisë e ka goditur dhe drejtuesi është larguar nga vendngjarja.
Sipas informacioneve studentja ka marrë dëmtime dhe është në gjendje të rëndë. Ajo u transportua menjëherë me ambulancë drejt spitalit të Korçës. Policia ka shkuar në vendin e ngjarjes për zbardhjen e rrethanave dhe po ashtu për kapjen e drejtuesit të mjetit.
