Kryetari i Bashkisë së Tiranës, Erion Veliaj ka reaguar pas kalimit të godinës “Sarajet e Toptanëve” në pronësi të Bashkisë së Tiranës. Veliaj shprehet se kjo godinë do të shërbejë si muze që do të evokojë traditën si dhe historinë diplomatike.
Kreu i Bashkisë thotë se bashkia e Tiranës do t’u paguajë pronarëve 2.5 mln dollarë për ndërtesën monument kulture. Mbrëmjen e djeshme policia bashkiake rrethoi godinën e sarajeve. Pronarët nga ana e tyre kërkojnë që të negociohet çmimi për shpronësim në bazë të vlerës reale që Sarajet kanë, ose edhe të lëshohen me qira.
