Një ngjarje e rëndë ka ndodhur në Lushnjë. Një 41-vjeçar është plagosur me thikë, pas një konflikti që ka ndodhur në një lokal të qytetit. Në lidhje me këtë ngjarje policia ka arrestuar shtetasit Agron Dervishi për vrasje të mbetur në tentativë dhe Arjan Tabaku për moskallëzim krimi.
Dervishi është pronar i lokalit ku ka ndodhur ngjarja, dhe pas kontrollit në banesë i janë gjetur dhe sende të tjera të paligjshme.
"Në vijim të veprimeve, specialistët për Hetimin e Krimeve në Komisariatin e Policisë Lushnjë arrestuan për veprat penale “Vrasje me dashje” e mbetur në tentativë dhe “Mbajtja pa leje e armëve të ftohta” shtetasin A. D., 49 vjeç, banues në Lushnjë", njofton policia.
