Një sherr mes disa banorëve ka ndodhur këtë të hënë në afërsi të gjimnazit “Andon Zako Çajupi” në Tiranë. Gjatë sherrit janë përdorur sende të forta ndërsa dyshohet se një nga personat e përfshirë në konflikt ka qëlluar me armë zjarri në ajër. Policia ka ndërhyrë dhe ndaluar përshkallëzimin e konfliktit, ndërsa në vendin e ngjarjes është sekuestruar dhe një armë zjarri tip pistoletë.
Paraprakisht raportohet se janë lënduar 4 persona. Të plagosurit janë transportuar për në spital, ku po marrin ndihmë mjekësore. Lidhur me ngjarjen autoritetet kanë shoqëruar dy persona, të cilët do të merren në pyetje për zbardhjen e plotë të dinamikës së ngjarjes.
