Sali Berisha, arriti një moment kulmor në Foltoren e Elbasanit, kur bëri thirrje për protesta masive. Pasi foli për krizën e çmimeve, ai tha se demokratët duhet të përgatiten për betejë deri në fitoren e plotë.
“Prandaj ne duhet të përgatitemi për protestat më të fuqishme që ka njohur vendi. Protestë, protestë dhe vetëm protestë.
Edi Rama, ta dish mirë se kur të ngrihemi në këmbë në protestë, nga rruga nuk shqitemi pa të hedhur ty aty ku e meriton.
Mos luaj me çmimet, mos luaj me kafshatën, se shqiptarët paguajnë kafshatën 80 herë më shtrenjtë se qytetarët e vendeve të BE. Sepse ata e paguajnë naftën njësoj si qytetarët e Zvicrës, që kanë një rrogë mesatare prej 6 mijë eurosh kundrejt 400 eurove që marrin qytetarët shqiptarë. Ne do ngrihemi në këmbë, si opozitë e vërtetë, si opozitë që beson te liria,” tha Berisha.
Të dërrmuar nga humbja në zgjedhje dhe nga opozitarizmi i squllur militantët në sallë u ngritën në këmbë kur Berisha bëri thirrje për protesta. Prej dy vitesh e gjysëm nën Bashën opozita i ka harruar manifestimet që kanë qenë në ADN-në e saj. Madje edhe pasi Basha shpalli masakrën zgjedhore kur Mark Marku dhe Gjekmarkaj i kërkuan fillimin e protestave, Basha ia ktheu: "Dakord por çfarë fitojmë prej tyre".
©Lapsi.al
