Në njoftimin e Ministrisë së Shëndetësisë së Kosovës bëhet e ditur se gjatë 24 orëve të fundit janë testuar 3.327 mostra të personave të dyshuar se janë të infektuar dhe nga ky numër 56 kanë dalë pozitivë. Po ashtu njoftohet se në 24 orët e fundit nga koronavirusi kanë humbur jetën katër persona.
Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon se në 24 orët e fundit janë dhënë 14.149 doza të vaksinës kundër COVID-19. MSH po ashtu bën të ditur se sot janë shëruar 281 qytetarë, derisa numri i përgjithshëm i të shëruarve është 154.881.
