Seanca maratonë e kuvendit të Shqipërisë e nisur paraditen e një dite më parë ka përfunduar mëngjesin e kësaj të premteje. Debatet mes opozitës dhe mazhorancës kanë zgjatur deri në orët e para të mëngjesit. Rreth orës 06:46 Kuvendi i Shqipërisë ka votuar qeverinë “Rama 3”. Programi dhe përbërja e qeverisë “Rama 3” morën 77 vota pro, 53 kundër dhe 1 abstenim.
Sapo kryeministri Edi Rama mori fjalën, deputetët e opozitës u larguan nga salla. Tashmë me votëbesimin nga Kuvendit, Kryeministri, zëvendëskryeministri dhe ministrat do të betohen para Presidentit, të cilin e shkarkuan vetëm pak muaj më parë.
