Një ndër çështjet e diskutuara gjatë seancës së sotme plenare ka qenë edhe pandemia Covid-19 dhe masat që janë ndërmarrë për përballimin e situatës në vend. Ministrja e Shëndetësisë Ogerta Manastirliu ka thënë se qeveria ka planifikuar të marrë edhe afro 1.3 milionë doza për të përballuar skenaret e mundshme vjeshtë-dimër. Gjatë fjalës së saj, Manastirliu tha se shpreson se deri në pranverën e vitit 2022 të jetë vaksinuar gjithë popullata mbi 16 vjeç.
"Ne u angazhuam që në fillim jo vetëm për të patur vaksinat por edhe për ti administratuar në kohë. Jemi në ritme të mira vaksinimi, fjala kyçe këtë sezon është “ Vaksinim”. Kjo është një përpjekje madhore e të gjithë qeverive dhe njerëzimit, vetëm nëpërmjet vaksinimit mund të ndalim impaktin negativ të virusit, synojmë të rrisim vaksinimet.
+60 vjeç, kemi një përqindje të mirë të mbulesës me vaksina mbi 63 %. Kemi arritur mbi 2 mln doza vaksinash, deri në dhjetor në kuadër të marrëveshjeve me Pfizer dhe mbështetjes së partnereve europianë të arrijmë në një numër të lartë vaksinash, +1.3 milionë vaksina të tjera. Fokusi ynë në këto muaj duhet të jetë vaksinimi i gjithë popullatës", tha Manastirliu.
