7.7 kg kokainë u kap sërish në kontejnerin e “Alba Exotic Fruit” ditën e sotme në Durrës. Sikurse njofton policia, droga u gjet pas një kontrolli të imtësishëm në një nga kontenierët i ngarkuar me banane të ardhur nga Ekuadori. Menaxheri i firmës është arrestuar ndërsa është shpallur në kërkim administratori i firmës.
“Në vijim të operacionit “Rada”, ditën e sotme, nga Task Forca permanente që vepron në Portin e Durrësit, është ushtruar kontroll i imtësishëm në një nga kontenierët i ngarkuar me banane i ardhur nga Ekuadori, për llogari të kësaj firme, ku si rezultat i kontrollit të imtësishëm në pjesën fundore te kapakët e motorrëve frigoriferike, u gjetën dhe u sekuestruan 8 pako me lëndë narkotike të dyshuar kokainë", njofton policia.
Task Forca permanente që operon në Portin e Durrësit vijon veprimet hetimore, nën drejtimin e SPAK-ut.
