I dyshuari që një ditë më parë rrahu me shqelma e shkopinj tre vajza në Prishtinë është dorëzuar në stacionin e Policisë në Gjakovë. Ky shtetas ka rrahur brutalisht tre vajza në mes të ditës në rrugën 'Ahmet Krasniqi' në Prishtinë. Burri ka sulmuar të rejat me një shkop gome, ndërsa ato përpiqeshin që të mbrohen.
Një nga vajzat e sulmuara fizikisht nga një burrë në mes të ditës në Prishtinë, ka rrëfyer se ai ishte klient në një qendër masazhi ku punonin tre vajzat, shtetase të Shqipërisë. Siç raporton viktima, L.V kishte sulmuar atë dhe dy shoqet e saj sepse kishte kërkuar shërbim më shumë se masazhi dhe pasi vajzat kishin refuzuar ai i ka kërcënuar ato në fillim në qendrën e masazhit e pastaj edhe i ka ndjekur.
