Në orët e para të mëngjesit të sotëm dyshohet se në pjesën e përparme të automjetit të Elton Debreshit, që kandidoi si i pavarur në zgjedhjet e 25 prillit në Dibër, i është vënë lëndë plasëse. Policia njofton se sot rreth orës 01.00 ka shpërthyer lënda plasëse që ishte vendosur në pjesën e pasme të automjetit të Debreshit.
Sasia e lëndës plasëse ka qenë e vogël e fatmirësisht nga shpërthimi i saj nuk ka pasur të lënduar, vetëm dëme materiale. Nga shërbimet e Policisë janë shoqëruar në Komisariat disa persona që dyshohen se mund të kenë dijeni për rrethanat e ngjarjes.
