Sekretari Amerikan i Shtetit, Antony J. Blinken është konsultuar me kryeminsitrin Edi Rama në lidhje me strehimin e afganëve në Shqipëri. Zëdhënësi i Departamentit të Shtetit bëri të ditur përmes një njoftimi të shkurtër për mediat se Blinken falënderoi Ramën për ofertën e bërë.
“Sekretari Blinken falënderoi kryeministrin Rama për vazhdimin e traditës krenare të Shqipërisë për strehimin e njerëzve në nevojë. Sekretari dhe kryeministri riafirmuan partneritetin e ngushtë midis dy vendeve tona” mbyllet njoftimi nga zëdhënësi i DASH-it.
Në një prononcim për një gazetë italiane gjatë të enjtes, Rama tha se Shqipëria do të merrte 2-3 mijë afganë, të paktën 1000 prej të cilëve pritet të mbërrijnë këtë javë në vendin tonë.
