Dy persona janë vënë në pranga dhe një është proceduar penalisht në Lezhë për vepra të ndryshme penale. Bëhet e ditur se specialistët e Hetimit të Krimit në Komisariatin e Policisë Lezhë kanë arrestuar një 47-vjeçar, banues në fshatin Torovicë.
47-vjeçai mbante një automatik pa leje në banesë. Arma u seksuestrua bashkë me një krëhër me fishekë nga policia.
Gjithashtu, policia ka ndaluar një 35-vjeçar, banues në fshatin Sukagji, për kultivim të bimëve narkotike. 35-vjeçari ishte shpallur në kërkim pasi dyshohet si autor i tentativës për kultivim të bimëve narkotike në zonën e Kashnjetit.
Kurse, specialistët për Hetimin e Trafiqeve dhe Narkotikëve proceduan penalisht K. H., 20 vjeç, banues në Lezhë. I riu u procedua pasi gjatë kontrollit fizik të ushtruar ndaj tij, policia në Shëngjin, ka gjetur dhe sekuestruar doza me kanabis.
