Berisha për takimin Basha-Kim: Kryetari i PD-së ka kërkuar prova e fakte
Pra Berisha e vuri theksin se të gjitha rregjimet utopike i kërkojnë subjekteve të tyre, ti nënshtrohen fantazmagorive të pa vërteta. Kështu po ndodh edhe sot aludoi Berisha duke e akuzuar ambasadoren Kim se përdor metodat e regjimit diktatorial për ta akuzuar atë si të korruptiar dhe minues të demokracisë. Në konferencën për shtyp të organizuar prej tij, Berisha tha se shqiptarët nuk duhet të hanë bar por të kërkojnë të njohin të vërtetën. Duke lajmëruar se ai e ka depozituar padinë për shpifje kundër sekretarit të Shtetit Blinken në gjykatën e Parisit, ai tha se kërkonte vetëm një gjë: të nxirreshin faktet apo dokumentat që e kishin shpallur atë ‘Non Grata”.Berisha në konferencë për shtyp: Avokati im francez ka dorëzuar padinë për shpifje kundër Blinken
Natyrisht tha Berisha, se ka shqiptarë që enden studiove televizive që e kanë shitur apo e kanë deleguar arsyen, por secilit sistem në secilin vend i bën mirë të dijë dhe të njohë të vërtetën. Pra thelbi i ndërhyrjes së liderit historik të PD qe se pa i nxjerrë faktet (“qoftë edhe një i vetëm do më bëjë të marr edhe vendimin më të rëndë” tha ai duke nënkuptuar largimin nga politika) ai nuk kishte nëdërmend të dëgjonte thirrjet për të mos qenë pjesë e grupit parlamentar të PD-së. “Unë do të jem në atë parlament ashtu siç më kanë dërguar zgjedhësit shqiptarë” theksoi ai.Berisha i përgjigjet ambasadores amerikane: Nuk ka prova korrupsioni për mua
Deklaratën për barin nga ana e ambasadores Kim, të cilën Berisha e cilësoi si "guvernatore që mbështet marrëveshje në kundërshtim me kushtetutën dhe ligjet e vendit" ai e etiketoi si më skandalozen që një diplomat ka bërërë ndonjëherë. "Ajo nuk është ende vonë të kërkojë falje" tha ai. Pra Berisha doli në konferencë shtyp për të nënvizuar se askush nuk mund të ndëshkohet pa pasur fakte, por me justifikimin se kështu e do Amerika. Një llogjikën e tij kjo do të thoshte ta ushqesh popullin me bar dhe jo me të verteta. ©Lapsi.al
