Lapsi Video

Aplikacioni

Android iOS
Flash

Tek parku Rinia, një tjetër kullë që rivret qytetin

Lubonja: “Mund të konsiderohet si kulm në kuptimin e shkatërrimit urbanistik të qytetit, që përkon edhe me një kulm në kuptimin psikologjik të delirit të omnipotencës së Edi Ramës, me një kulm të babëzisë së oligarkëve që do të përfshihen aty dhe me një kulm të paturpësisë para qytetarëve të Tiranës të arkitektëve të Albanian Files,”

11:25 Blerina Gjoka

Policët qesharakë/ Video skandaloze jo për atë arsye që e mendoni

Lapsi.al 27 July 2021
Policët qesharakë/ Video skandaloze jo për atë arsye që
Videoja e bërë virale, ku shihet një aksion pa rezultat i policisë, të cilëve u shpëton nga ndalimi një makinë me xhama të zinj që dyshohej se mbante brenda lëndë narkotike, nuk është skandaloze vetëm për arsyen që është komentuar sot gjatë gjithë ditës. Në mbarë mediat u komentua sot dhuna e shproporcionuar që ata ushtruan mbi gazetarin e News 24, Ergys Gjençaj, të cilin e shtrinë në tokë dhe tentuan t'i rrëmbenin celularin. Por sjellja prej bashibozuku jo profesionist nuk duket vetëm këtu. Eshtë mirë të shikohen një nga një videot për të kuptuar profesionalitetin me të cilin veprojnë uniformat blu. Në videon e parë poshtë, duken pamjet se si ata ndalojnë veturën e dyshuar të Altin Gegës . I vërsulen asaj pa pikë profesionalizmi, tentojnë të hapin me forcë derën e mbyllur nga brenda dhe përdorin një fjalor rruge ndaj shoferit që mund të nxisë edhe protestat e organizatave LGBT. Edhe më qesharak është reagimi kur shoferi u largohet dhe policët mbeten si hunj.
[video width="480" height="848" mp4="https://cdnimpuls.com/lapsi.al/wp-content/uploads/2021/07/WhatsApp-Video-2021-07-27-at-3.15.37-PM-2-1-1.mp4"][/video]   Por ashtu sikurse duket në pamjet pranë “Shkollës së Bashkuar”, në Tiranë ku po ndodhte ngjarja u gjend rastësisht edhe një makinë e News 24. Gazetarët ndaluan dhe filluan të filmojnë. Pikërisht një gjë e tillë është e palejueshme në shtetin e propagandës. Pasi i iku i dyshuari policët sulen mbi gazetarin, e shtrijnë përtokë dhe i marrin celularin ku ai kishte fiksuar pamjet e amatorizmit të tyre (video poshtë).   [video width="848" height="480" mp4="https://cdnimpuls.com/lapsi.al/wp-content/uploads/2021/07/WhatsApp-Video-2021-07-27-at-3.15.37-PM-3.mp4"][/video] Pasi kryejnë një zinxhir gafash duke ushtruar dhunë edhe mbi banorët përreth vendit të ngjarjes dhe kur pa se u bë zhurmë e madhe, policia u dha mediave një njoftim se ajo nuk e dinte që kishte kapur një gazetar dhe se kishte ushtruar dhunë ndaj atij që po ushtronte profesionin e vet. Por ky episod ka disa probleme. E para në video duket kolegia Klodiana Lala e cila i njofton policët që Gjencaj është gazetar. E dyta edhe po të mos ishte gazetar, por thjesht një qytetar, a duhej masakruar? A kishte faj ai që rastisi të fiksonte me celularin e tij një gafë amatoreske të disa policëve të paaftë? Pra, skandali në këtë histori me video nuk është dhuna e ushtruar ndaj Gjencajt, por fakti se edhe në mendjet e policeve të thjeshtë është fiksuar ideja e shtetit të propagandës se e vërteta duhet fshehur qoftë edhe me dhunë.

Shpëtoi prej policisë gjatë operacionit antidrogë, i arratisuri kapet disa minuta më vonë

Natyrisht, ashtu sikurse imagjinohej, shoferi që i iku policisë do të kapej më pas, gjë që nuk ishte e vështirë...por kjo histori e shëmtuar nxorri në pah tre gjëra, paaftësinë e policëve që pamë në veprim, gjuhën e tyre në aksion, të ngjashme me atë të përgjimeve nga Dibra që publikoi gjermania "Bild" dhe së fundi alergjinë e organeve shtetërore nga transparenca. Të gjitha këto sëbashku janë në vetvete mëkate shumë më të mëdha sesa dhuna e papërligjur ndaj kolegut tonë. ©Lapsi.al 
  [video width="480" height="848" mp4="https://cdnimpuls.com/lapsi.al/wp-content/uploads/2021/07/WhatsApp-Video-2021-07-27-at-3.15.37-PM-1-2.mp4"][/video]

Të këshilluara

ide

Keqkuptimi kryeministror mbi anti-korrupsionin

Fakti që asnjë institucion i administratës sonë publike nuk vuri re se u investuan miliona euro në inceneratorë fantazëm, se AKSHI kontrollohej nga një kriminel ordiner, se drejtorët e Bashkisë së Tiranës ia jepnin tenderat vetes, apo se drejtori i policisë dhe drejtoresha e SHISH punonin për Gysin, tregon se nuk kemi administratë publike dhe shtet

09:35 Blendi Kajsiu

Ana pozitive e ankthit prej të pandehuri të Edi Ramës

Paketa e ndryshimeve drastike në Kodin e Procedurës Penale, ndonëse buron nga halli i kryeministrit për të mbrojtur veten dhe bashkëpuntorët, krijon një mburojë tejet të gjërë për qytetarët, ndaj një drejtësie gjithnjë e më represive

13:23 Andi Bushati

MOTI TIRANA

25°c

KËMBIMI EURO

91.92

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI