Një aksident i rëndë ka ndodhur në afërsi të fshatit Dushar të njësisë administrative Lozhan. Një kamion tip IFA i ngarkuar me dru, ka dalë nga rruga duke u përmbysur dhe për pasojë ka zënë poshtë drejtuesin e kamionit i cili ka ndërruar jetë. Trupi i pajetë është nxjerrë nga banorë të fshatit. Mësohet se viktima është 38-vjeçari Marsel Nazifi, drejtor i pyjores pranë bashkisë së Maliqit. Viktima ka qenë i shoqëruar me 4 persona të tjerë për të cilët ende nuk ka informacion.
Forcat zjarrfikëse bashkë me policinë janë ende në vendngjarje.
