Byroja Kombëtare e Hetimit ka publikuar emrat e 210 kandidatëve “hetues”, të cilët janë përzgjedhur si fitues nga testimi për aftësitë fizike.
Më 15 qershor këta kandidatë do të japin testin e esesë me shkrim, që do të zhvillohet në Pallatin e Kongreseve.
Testimi i Aftësive Fizike u zhvillua nën vëzhgimin dhe monitorimin e Komisionit Ndërkombëtar të Ekspertëve, të caktuar nga misionet e Qeverisë së Shteteve të Bashkuara të Amerikës dhe Bashkimit Europian në Shqipëri.
Më poshtë, gjeni njoftimin e plotë të BHK-së, ku bashkangjitur janë linqet e listave me kandidatët fitues, kandidatët që nuk mundën të kalojnë në fazën tjetër dhe detaje e udhëzime mbi zhvillimin e testit që do të mbahet më 15 qershor:
Komisioni i Përzgjedhjes në datë 10.06.2021, mbylli procesin e Testimit për Aftësitë Fizike, për kandidatët “Hetues” në Byronë Kombëtare të Hetimit. Nga 325 kandidatë pjesmarrës, u kualifikuan 210 kandidatë dhe 115 kandidatë nuk kaluan në fazën tjetër.
Për të parë listën me kandidatët e kualifikuar, shikoni listën e kandidatëve që gjendet në LINK 1, bashkëlidhur.
Për të parë listën me kandidatët që nuk kaluan në fazën tjetër, shikoni listën e kandidatëve që gjendet në LINK 2, bashkëlidhur.
Kandidatët e kualifikuar, në datën 15.06.2021, do t`i nënshtrohen Testit të Esesë me shkrim.
Testi i Esesë me shkrim do të zhvillohet në Pallatin e Kongreseve, udhëzimet mbi zhvillimin e testit gjenden në LINK 3, bashkëlidhur.
Testimi i Aftësive Fizike u zhvillua nën vëzhgimin dhe monitorimin e Komisionit Ndërkombëtar të Ekspertëve, të caktuar nga misionet e Qeverisë së Shteteve të Bashkuara të Amerikës dhe Bashkimit Europian në Shqipëri.
Falenderojmë gjithë aplikantët që shprehën vullnetin për të marrë pjesë në këtë konkurrim.
