Gjatë kohës që deputetët diskutojnë në kuvend për shkarkimin e presidentit Meta, ata edhe mund të votojnë në kutitë që janë vendosur në mes të sallës. Procedura e një votimi të tillë, që kryhet ndërsa vazhdojnë diskutimet, është vendosur për shkak të rregullave të pandemisë.
Por gjatë kohës që diskutohej dhe votohej, administrata e kuvendit ka hequr kutitë e votimit. Këtë e zbuloi deputeti Kujtim Gjuzi që iu ankua drejtueses së seancës Vasilika Hysi se kishte shkuar dy herë tek kutitë, por administrata i kishte marrë. Për çudi, Vasilika Hysi ishte në dijeni të zhdukjes së kutive dhe urfhëroi administratën të kthente kutitë në sallë për të vazhduar votimit.
Pamjet e dukjes dhe zhdukjes së kutisë së votimit, nuk janë publike, sepse mediat nuk janë në sallë.
Dialogu mes Gjuzit dhe Hysit:
Gjuzi: Fleta e votimit e imja është në dorën time, do ju lutesha shumë jepini urdhër administratës që kutia e votimit të rrijë aty deri kur të votojë deputeti i fundit.
Hysi: Ju keni të drejtë, por nuk është mbyllur votimit.
Gjuzi: Po nuk është pra kutia aty, jam çuar dy herë dhe…
Hysi: Shërbimet e Kuvendit të vënë kutinë e votimit për zotin Gjuzi dhe për gjithë deputetët që nuk kanë votuar ende. Të nderuar kolegë uluni sepse do fillojë votimi nominal.
